بدون مقدمات:
اتترككم مع الاذاعة اللي صارت بين الطلااااب (( التماسيح ))
عضياني ( مقدم الاذاعه ) 00 مشاري الشمال00 امير مملكة نفسي 00
طلاب الفصل الثالث جيم
رائد الفصل (حسـنى بسيوني ) مدرس مصري
فاروق فسـئاني مدرس سوري
طابـور الصبـاح
مشهد طابور المدرسة الصباحي الطلاب
صافين والمدرسين والمديرمع الموجة .
حسني بسيوني مدرس مصري
ماسك ميكرفون الاذاعة المدرسية : والان الإزاعة
المدرسيه لهزا اليوم مع ...تالت قيــــم.
المدير مستغرب للاستاذ فاروق مدرس سوري : والله اللي فشلنا
فاروق فسـئاني باستغراب:" تالت جيــــم, العمــي" ويروح للاذاعة بسرعة
طلاب الطابورضحك واستغراب يلتفتون على بعض وهم يقولون ثالث
جيم... ثالث جيم. !!بيجيبون العيد
حسني بسيوني يعطي الميكرفون لعضياني . ويقول لهم ياولاد زي
مااتفئنا, وروهم انكو أد المسئولية
.
الإذاعـة المـدرسـية
عضياني يجرب الميكرفون: الو الو ..
مشاري من وراه "حول حول"
عضياني :" مدير المدرسة الفاضل, أبائي المدرسين, إخواني
العيال..
و الاستاذ فاروق يضرب عضياني على علباه طااااخ ,
إحكي ولاه
عضياني: السلام عليكم ورحمة الله وبركاته , أسـعد الله صباحكم باليـمن والبركات
اما الان مع فقرة وبصوت عالي: هل تدري.
هل تدري إن للذبابة ستة أعين.
هل تدري وإلا ماتدري إن الفار يصيب بمرض الطاعون.
هل تدري وإلا ماتدري أن اذا قطعت شوارب الصرصور يقعد يخبط في الجدران
هل تدري وإلا ماتدري أن لكل قطو برميل زبالة مخصص يسكن فيه.
هل تدري ان بيت حميدان جنب البلدية,
وشكـرا.
أما الان مع حكمة اليوم والطالب
امير مملكة نفسي
امير يقرب.. يمسك الميكرفون بيد واليد الثانية في مخباه تحوس
يدور الورقة اللي فيها حكمة اليوم. يطلع الورقه ويقول: "حكمة اليوم "
ويفتح الورقة ويقرا بصوت عالي " البضاعة المباعة لاترد ولاتسبدل"
يسكت شوي ويناظر الورقة ويكمل " شماغ , طاقيتين, شراب العايلة ,
ثلاث فنايل علاق, , ثوب الدفة سروال سنة, زبيرية .." وهو جالس
يقرا ألا وذاك
الكف على علباه من الاستاذ فاروق وهو يقول" العمى شو هاذة
...ولاه طلع الورأه (الورقه) ياللي فيها حكمة اليوم مو فاتورة
ملابســاك" امير: طيب طيب يدخل فاتورة ملابسة بمخباه
عضياني :"الاَن مع موضوع الصباح للطالب:" أخوي مشاري الشمال"
مشاري يفتح ملف أخضر علاق ويقرا,
"اعزائي المشاهدين , موضوع حلقة اليوم العطلة الصيفية (مـدمن فضائيات)
"لقد رحنا في العطلة الصيفية أنا وأهلي إلي بلدي الثاني لبنان"
عضياني : تراه تسـذوب, بالعـطلة راااح لخـواله بشـقراء.
مشاري يلتفت إلى عضياني بزعل ويكمل" ولكن عضياني لم يكن
معنا" ويطلع لسانه لعضياني
رحنا بالطيارة و كانت امي خايفه جدا جدا لانها اول مرة تركب طيارة ,
بس انا اصلا دايما اركبها, وفي الطيارة جت شغالة الطيارة وجابت لنا
القهوه والشاي ثم جت وقالت اقلطوا على العشاء , وقلطنا في المقلط مع
العفش, وكان الطيار واقف على روسنا ماسك اللبن وقال سموا على
عشاكم,يالله إن تحييكم, وكان مفطحا شهيا. وخلصنا وغسلنا,
وكان مساعد الطيار ماسكن الفوطة والطيب وأعواد الاسنان.
وعندما وصلنا لمـطار المـلك خـالد حقهم, ذهبت انا لتختيم الجوازات
والرخصة والاستمارة وذهبت امي للتطبيق , وكنت اتحدث لغتهم بطفاقة
لاني امي وابي مامعهم لغة. وقال لي العسكري : جواز مين هيدا ؟
.. فقلت له" بييَ (ابوي باللبناني) , وقال: "وهيدا؟" قلت: مييَ (أمي) . وهيدا ؟
قلت" خييَ (أخوي " ) وقال " وهيدا؟" قلت : نييَ (أنا) " وكان جوازي
وقال لي ابوي ماشاء الله عليك ياوليدي إنك بلبل سداح في اللغة اللبنانية
الفصحى, التفت عليه وقلته, أي لا كــان , ثم التفت للبـنـانـي وقلت له
تـرى أنا سـعودي مانيب زيكم,
. وشكله كان مستغرب يحسبني لبناني
.
وفي لبنان سكننا في مدينة بيروت مشيط 00
وكانت مدينة جميله فيها مـزارع بكل مكان, ولم اشوف عندهم تـراب,
علشان كـذا مافيهم الاشـهب,ورأيت دولا كثـيرا,
وشفت عندهم دولة وماعرفتها, يوم دققت مكتوب عليها,
بورسعيـد, وشفت اللمملكة العربية السـعودية الشـقيـقة
<<< وش عنده اللبناني.
ثم ذهبنا الي الاهرامات وكل واحد مننا ركب له على واحد,
انا ركبت على الخنـصر , وأخـواني واحـد ركـب على البنصـر,
" اما ابوي فركب على أبو الـهول لأنه يشبهه. وكانت رحلة سعيدة,
ورجعنا بالسيارة ومررنا على تونس الخضراء, والسودان السوداء في
الـطريق عبينا بنزين بعشرة لاننا فلسنا, وكملنا الـطريق الي أن وصلنا
بالرفـاء والبنيـن
.
وإلي اللقـاء في حـلقـة القـادمـة.
عضياني " أما الان ..
" صوت جوال يدق من مخبا عضياني ويطلع الجوال والميكرفون
بيده وطبعا صوت المتصل واضح لان قريب من الميكرفون
وكل الطابور يسمعونه
صوت حرمه: " ألو .."
عضياني : " هـلا بهـالصـوت , ممكن نتعرف
الحرمة: " وجع يمصع ضلوعك .. أنا أمك حصيصة!!"
عضياني بصوت مرتبك " يمــه"
طلاب ثالث جيم اللي وراه" اسم امه حصيصة ...
اسم امه حصيصه
عضياني: يمـه شغلى الرادو, بتشوفينا انا
و اخوياااي على قناة المدرسة إف إم.
حصيصة: الرادو مايشتغل, إنت ناسي إن د شنا خربان,علي, وراك
سارقن جوال ابوووك, أنا زاهمتن عليه وطلعت لي إنت"
عضياني : " يمه يمه, حنا الحين في الاذاعة
وإنتي على الهوا ..عندك مداخلة والا طبخه؟
" اما االان مع نشيدة الصباح
و امير مملكة نفسي بعنوان "عصـفوري الصغير
"
مع التصفيق الحار من طلاب ثالث جيم
عضياني : امير وش عندك لابس بدلـة حمرا.
امير : لأني أول مرة بمسك ميكرفون قدام الجماهير.
امير ياخذ الميكرفون ويقول " أحـلي تحية لشباب ثالث جيم
اللي على البيست,
و أحلـى تحيـة للموجه والمدير وأحلى تحية للوكيل بغيابـه,
وياشباب اللي يبغى إغنية يكتبها على منديل
ويعطيها المدرسين يوصلونها لي..
امير :"أويــــــــ لي, أويلـي , أويـلي أويـللللي "
" سـود العيــووووووون إكبـــــــــار ....,والشــامــة حـلــوووووة
" شـــــــايل جـمــال الكـووووون ...وباليــني بــلـوى "
يحط الميكرفون تحت ابـطة , ويقول" يلا كلنا سـوى.. ياثالث جيم"
هالعيون شلون املــــها سحر ذوبني بغزلهــا (يلتفت لصف أول) بوسه
من عندك حبيبي تسوى عندي الدنيا كلها
"
طلاب المدرسـة كلهم يرددون وراه ويغنون وتنقلب المدرسة مرقص وهيصة.
هههههههههههههههههههههه
المدير بعصبية:" ماني قايلكم.. فشلتونا كله منك يا حصني (يقصد حسني)
خلاص ضف وجهك انت وطلابك,
مالقيت تحطهم في الاذاعة الا يوم جا الموجة, والله مايندرا وش بيصير فينا
الاستاذ حسني يراقبون طلاب ثالث جيم وهم يهربون من المدرسة ,
عضياني , ياخذ الشناط والكتب , ويحذفهامن الدريشة ويوصلها لبرى
المدرسة من قوة الحذفة.
امير يركض وينط على السور المرتفع ويجمع الكتب,
ويقرب السيارة لهم. مشاري هرب وجلس يرسم على الجدران صوركاريكاتيرية للمدير والمدرسين وعياراتهم.
وبـعـد كـم سنة. .
صارامير اللي ينط السـور بـطل المملكة في الوثب العالي.
عضياني اللي يحذف الكتب من الدرايش بطـل اسيا في رمي الجلة,
ومشاري اللي يرسم على الجدران اخذ جائزة المركز الأول في الفن التشكيلي
على مستوى الخليج ههههههههههههههههههههههههههههه
منتوف
موضوع: الإذاعه الصباحيه للتماسيييييييييييييييييييح.... 
الإثنين سبتمبر 08, 2008 8:43 pm
