خلاص ابرتاح غادر والسعد فالك
من حضرتك لجل تقلب لي موازيني
من اي كوكب نزلت وشايفن حالك
من حضرتك لجل تتعبني وتشقيني
مليت جرحك وتبريرك وموالك
تخطي وترجع تعتذر لجل ترضيني
ان كان جرح القلوب البيض يهنا لك
يموت حبك ولا تنزف شراييني
يموت قلبي ضما واموت انا هالك
ولا اشرب الذل بيدينك وتسقيني
غرورك اعماك تحلم تبني آمالك
نهايتك جات بيدك قبل تنهيني
والله لانت ولاعشره من امثالك
تخضع له النفس ويفكر يمشيني
في واقع الأمر ماني باصغر عيالك
رباني الوقت لاتحلم تربيني
غلاك مات ابتعد وفراقك اشوالك
لاترتجي الدمع واحذر لاتعزيني
ماينزل الدمع لا لأمثالك ولا لأشكالك
اصلاَ من تكون حتى تفقدك عيني
لاعاد تحلم يجي رقمي بجوالك
والله مااخضع ولو ترقص شياطيني
خسرت نفسك ومضنونك وتمثالك
خسارتك للاسف ماعاد تعنيني.
اتمنى اشوف ردودكم
موضوع: لا عاد تحلم يجي رقمي بجوالك 
الثلاثاء سبتمبر 16, 2008 12:33 am
