ضمـــني أرجوووكـ ,,,

عدد الرسائل : 45 تاريخ التسجيل : 07/09/2008

جيتني والقلب مـن جرحـه شفـوق
ولابس(ن) جرحي على صدري وسام

جيتني والآه تسـوق النبـض سـوق
في حنايا الروح في وسـط الزحـام

آه لو تدري عـن جـروح الخفـوق
يا وليف الـروح مـا زدت المـلام

ضمني بحضنـك وعيشنـي بشـوق
وخلنـي بقربـك أبدفـا ثـم أنــام

خلنـي انسـاب مثـل دم العـروق
في وريد القلـب يـا كـل الغـرام

ضمني يـا روح روحـي بالخفـوق
وناجي جروحـي لـو عـز الكـلام

ضمني أرجـوك وارفعنـي لفـوق
عن مدى هالكون فوق كـل الغمـام

عن شقـا دنيـا تصفقنـي صفـوق
عن هجير الظلم عـن جـور الأنـام

ضمني أرجوك بإحساس(ن) صـدوق
وداوي جروحي وطعنـات السهـام

وخلني بحضنـك وعيشنـي بشـوق
وداوي جروحي " بحبك " يا غـرام